३१ वी किशोर – किशोरी राष्ट्रीय अजिंक्यपद खो खो स्पर्धा ​हिमाचल प्रदेश खो खो असोसिएशन यांच्या वतीने  इंदिरा गांधी स्टेडियम, नांगल रोड, उना, हिमाचल प्रदेश येथे दि. २७ नोव्हेंबर ते १ डिसेंबर, २०२१ या कालावधीत पार पडली.

या राष्ट्रीय स्पर्धेत महाराष्ट्राच्या किशोर व किशोरी संघाने स्पर्धेतील सर्व आव्हाने एकतर्फी मोडत अंतिम फेरीत सहज प्रवेश केला. अंतिम लढतीत किशोर गटात महाराष्ट्राने कर्टनाटक संघावर एकतर्फी विजय मिळविला. किशोरीच्या अंतिम सामन्यात महाराष्ट्राने पंजाब संघावर एकतर्फी विजय मिळविला. या राष्ट्रीय स्पर्धेत महाराष्ट्राला दुहेरी विजय प्राप्त झाला.

स्पर्धेत सर्वोकृष्ट खेळाडूचा ‘भरत पुरस्कार’ महाराष्ट्राचा कुमार आशिष गौतम याला तर सर्वोकृष्ट खेळाडूचा ‘ईला पुरस्कार’ महाराष्ट्राच्याच कुमारी सानिका चाफे हिला प्राप्त झाला.