खो-खो फेडरेशन ऑफ इंडियाच्या मान्यतेने आणि झारखंड खो-खो असोसिएशन आयोजित ३४ वी राष्ट्रीय किशोर-किशोरी खो-खो स्पर्धा दि. २८ सप्टेंबर ते २ ऑक्टोबर, २०२४ या कालावधीत अल्बर्ट एक्का स्टेडीयम, सिमडेगा, झारखंड येथे संपन्न झाली. महाराष्ट्राने लागोपाठ चौथ्या वर्षी दुहेरी मुकुट मिळवला.

अंतिम फेरीत महाराष्ट्राच्या किशोर संघांने तेलंगणा संघाचा तर किशोरी संघाने कर्नाटक संघाचा पराभव करत आपले निर्विवाद वर्चस्व सिध्द करत दुहेरी मुकुटासह अजिंक्यपद मिळवले.

या स्पर्धेतील सर्वोकृष्ट खेळाडूचा भरत पुरस्कार किशोर गटात प्रसाद बळीप (सातारा) याला तर किशोरींच्या गटात ईला पुरस्कार वेदिका तामखडे (सांगली) हिला देऊन गौरवण्यात आले.